Namaste dosto,
Mera naam harshit hai. Me ek writter hoon. Me aaj apko sangarsh karte insaan jo kabhi ruke nahi unke bare mein bata raha hoon. Unka naam tha Mohammed Ali.
Dosto 90s ke waqt kale goro mein bohot bhed bhav hota tha. Toh unhone ne apna dharam badal diya aur muslim dharam apna kar apna naam rakh diya Mohammed ali.
Mohammed Ali ek aise professional boxer the jinone total 61 boxing fights ladi jisme se unhone 51 fights me jeet hasil kari. Log unhe the greatest boxer of all time kehte the.
Dosto aaj hum saare Mohammed Ali ke sachi kahani se prerna lete hai.
Mohamed Ali
Mohammad Ali ka asli naam tha CASSIUS MARCELLUS CLAY JR. Unka janaam Louisville, Kentucky mein January 17th 1942 mein hua tha. Unhone apni padai central high school Louisville se kari thi.
Unke pita ka naam CASSIUS MARCELLUS CLAY SR tha. ali ko ek bahen aur chaar bhai the.
Ali ek baar dukandar se pine ke liye paani mange lekin dukandar ne paani dene se inkaar kar diya kyunki vo kaale the. Yeh baat ali ko bohot buri lagi. Ali ko kale aur goro ke bich ho rahe bhed bhav ko khatam karna chahate the.
Ali ke pita ji ne unhe cycle dilai thi jo ali ko bohot pasand thi. Ekdin ali ki cycle chori ho jaati hai. Ali apne pehchan ke policevale JOE E MARTIN ko batate hai ki unhe uss cycle chor ko pakadna hai. Martin bolte hai ki kisi chor ko pakadna asaan nahi hai uske liye strong body hona chahiye aur boxing aani chahiye. Ali ne martin ki baatien seriously nahi liye.
Ekdin ali ne Tv pe boxing program dekha tomorrow’s champion. Ali ko program bohot pasaand ayaa. Ali ka boxing mein interest ane laaga.
Ali ne boxing trainer Fred stoner se training lena shuru kardiya. Fred Stoner ne ali ko bohot hi ache se train kiya.
Mohamed Ali ki shuruaat
Mohammed Ali 12 saal ki umar mein boxing karna shuru kar diya.
Mohammed Ali ne apne career ka pehla match 1954 mein ronnie o’keefe ke saath lada tha. Ali vo match jeet gaye. Yehi se Mohamed Ali ki kabhi boxing mein haar nahi hui. Mohamed Ali lagatar match jeete jaa rahe the.
Ali 18 saal ki umaar mein gold medal jeete light heavyweight division mein. Ali ne ye pradarshan summer olympics 1960 mein diya tha.
Mohamed Ali logo ko pasand ane lage.
Ali ke sath shuruaat se hi jaativaad ho raha tha. Mohamed ali ne 1961 mein islam dharam apna kar Cassius Marcellus clay jr se Mohammed Ali naam rakh liya.
22 saal ki umaar mein ali ne world heavyweight championship jeeta.
Ye match Sonny Liston ke sath 1964 mein hua tha. Sonny Liston bohot ache fighter the. Liston ko koi bhi boxer hara nahi pata tha.
Liston ko haraa kar Mohamed Ali youngest world heavyweight champion bane. Uske agle saal Mohamed Ali ne Sonny Liston ko firse haraya.
Boxing mein ali ka naam sarva Pratham boxers mein aane laga. 6 foot 3 inch lambe Mohamed Ali ke samne boxers ke hath pair kaapne lagte the.
Vietnam wars ke khilaaf Mohamed Ali
Ali shuruaat se hi kale logo par ho rahe atyacharo pe avaaz uthate rehte the. Uss vajaah se unki takleefe aur badi hoti jaa rahi thi.
Vietnam wars ke khilaaf Ali apni dharmic soch vichaar lekar avaaz bhuland rakhe the. Unka dharam pyaar aur shanti pe vishwas rakta tha. 1966 mein Ali Vietnam wars mein sena ka saath dene se inkar kardiye yeh bolke ki hamara dharam ladaiya karna nahi sikhata.
Jiss vajaah se unhe doshi theradiya aur panch saal ki sazaa sunai gai. Unka boxing licence ban kardiya. Unka pasport vapas leliya aur yehi nahi unki championship aur medals bhi vapas leliye the.
Ali ne apna hosla nahi hara. Ali apni arzi lekar supreme court gaye. Unhone American sanvidhan ke khilaaf ladai ladi.
Uske chaar saal baad 1971 mein ali ko insaaf mila. Supreme court ne unpe lage aropo ko sahi nahi maana aur faisla badal diya. Unpar lage saare pratiband hata diye aur unka passport unhe vapas kar diya.
Dosto chaar saal boxing na khelne se unhe bade boxing fights nahi mil rahe the. Mohamed Ali vapas boxing ring mein laut aye toh pehla mukabla vo haar gaye. Jisse unka kabhi na harne ka record tut gaya.
Lekin dusri fight vo jeete aur firse jeet ke raste chal pade.
Achievements
Mohamed Ali ne apne boxing career mein bohot saare records banaye.
Javani ke samay mein kafi saare puraskar jeet liye.
Ali ne 6 Kentucky golden gloves titles jeete,
2 national golden gloves titles jeete,
An amateur athletic union national title jeeta,
Rome 1960 summer olympics mein the light heavyweight gold medal jeeta,
Rome olympics mein ali ne 100 fights ladi jisme se 95 fights vo jeet gaye aur panch haar gaye.
Mohamed Ali ne 60 bade professional boxing fights lade jisme se 56 mein jeet hasil kari aur chaar vo haar gaye.
Ali 3 baar world heavyweight champion bane.
Ali ki boxing fight joe Frazier
Aur george foreman ke saath etihasik maani jaati hai.
Iss match ko pure ek arab logo ne puri duniya mein dekha gaya. Jo sabse zyaada dekhi jaane vali television broadcast maani jaati hai.
Mohamed Ali 20th century ke sarv pratham khiladi the unhone 21 mukebazo ko world heavyweight title match hara diya aur 14 ekagrut boxing title vo jeete gaye the.
unka ye 35 saal ka record ban gaya tha.
Mohamed Ali akele aise boxer the jinka ring magazine fighter of the year ka kitaab 6 baar ali ne jeeta tha.
President George bush ke hatho se Mohammed Ali ko medal of freedom diya gaya. Yeh karyakram Washington mein aye white house saal 2005 mein hua tha.
America ke president George bush ke hatho Mohamed Ali ko medal of freedom puraskar se navaza gaya.
Retirement aur samaaj seva
Mohamed Ali apni akhri fight Trevor Berbick ke sath ladi thi. Yeh fight December 11, 1981 ko Nassau, Bahamas mein hui thi. Iss fight ke baad Mohamed Ali ne boxing ko hamesha ke liye alvida keh diya.
Retirement ke baad ali apne Islamic duty of charity Yani ki samaj seva mein 1984 ke doran lag gaye.
Jo log bhuk se tadap rahe hai unhe khane khilane ke liye Mohamed Ali ne arbo rupaye lagye the. Dosto 22 arab se bhi zyaada logo ko unhone khana khilaya puri duniya mein.
Unhone fir Youth Education mein donate kiye. Bohot saari black University mein, colleges mein, schools mein paise donate kiye aur logo ko bataya ki hamare samaaj mein shiksha kitni zaroori hai.
Facts
Mohammad Ali kale aur gore logo mein ho rahe farak ko hatana chahte the. Ali ne African American logo ke liye ladai sachi aur emandari se ladi aur ek hadd tak vo ladai safal ho rahi thi
Mohamed Ali ke andar hunaar aur kuch kar dikhane ki taqaat thi. Mohamed Ali ke career ke doraan dusre fighters apne saath managers rakte the. Managers mic pe fighters ke taraf se bolte the. Mohamed Ali akele aise the jo apne saath manager nahi rakte the. Aur vo kud batein karte apne interviews mein. Ali kabhi kabar freestyle rapping bhi karte the. Ali shabdo ko rhyme karke mic pe sunate logo kafi pasand atii. Engrezi mein trash talk yani ki ulti seedhi batein mazakiye andaaz se bolna logo ko ali ke taraf aakarshit karti thi.
Mohamed Ali hip hop culture se jude the unki rapping skills kafi achi thi.1964 mein Unhone apna ek gaana nikala i am the greatest jiski 5000,000 copies bikh gai. I am the greatest gaane ko do bar Grammy awards nominations milli.
Mohammad Ali ne apne career mein acting bhi kiye aur writter bhi bane unhone apni do autobiography likhi.
Mohammad Ali jab chote the tabhi vo sugar Ray Robinson ke bohot bade fan the. Ek baar Unhone Robinson se autograph manga lekin Robinson ne inkaar kar diya ye kehke ki me busy hoon. Mohammad Ali ko iss baat ka afsos hua. Isliye ali apne kisi bhi fan ko autograph dene se inkaar nahi karte the vo nahi chahte the ki unke inkaar karne se kisi bhi fan ka dill dukhe.
Personal life
Mohamed Ali ne 4 shaadi ki jinse unko 9 santane hui. Jisme se 7 ladke aur 2 ladkiya thi.
Mohammad Ali ki sabse choti beti laila bhi bohot achi boxer bani.
Elijah Muhammad nation of Islam (Noi) ke sath Mohammed Ali ke samband hua karte the badme unhone ye samband khatam kar diye. Aur apne pehle guru Malcolm ke sunni islam se jud gaye.
Mohammad Ali ke boxing career mein unhe kafi saari injuries hui thi. 1984 mein pata chala ki Mohammed Ali ko Parkinson syndrome namak bimari hui hai.
Scottsdale, Arizona mein 3, june 2016 ko 74 ki umar mein Mohammed Ali ne duniya ko alvida keh diya.
My opinion
Mohammed Ali duniya ke liye ek misaal ban gaye unhone apne logo ke haq liye ladai ladi.
Insaano mein ho rahe bhed bhav ko mitaya, samaj ke hith mein kam kiya, aur manavta ko aage badaya.
The greatest boxer of all time ke naam se puri duniya mein mashooor ho gaye aur sirf boxing tak hi nahi unhone books likhi, films banai, tv shows banaye aur music banakar saari chizo mein success payi. Humein kabhi rukna nahi chiye aur koi bhi chiz humein ruka nahi sakti ye logo ko jeevan part padakar chale gaye.
Toh yeh thi hamare mahaan Mohammed Ali ki sachi kahani. Me harshit apke paas aise hi stories aur article hindi bashaa mein lekar aate rahunga. Aap mere saath social media pe jhud sakte hai. Vaha mujje apna feedback aur suggestions de sakte hai
Written by harshit sosa
Do follow my Facebook page https://www.facebook.com/pg/Creator-harshit-111106847353221/about/
Do follow my Instagram page https://www.instagram.com/creatorharshit/
Reviews page 