Mera naam harshit hai. Meri umar 21 saal ki hai. Me aaj apne maa ke bare me kuch bolna chahta hu. Maa ek aisa shabd hai jo sabke dill me bastaa hai. Jo apne maa ki dill se izzat karta hai aur sambalta hai. vo bhavishya me sabse ujwal karya karne kabil ban jata hai. Kyunki insaan agar apne maa se jhoot bolega aur maa ko hi pareshan karega toh vo zindagi me kabhi aage nahi bhad sakta. Jo apno ke nahi ho paye vo dusro ke kaise ho sakte hai.
Iss duniya me agar hume kamyab insaan banna hai toh pehle apne maa se sikho kyunki hamari maa se bada koi shikshak nahi hai. Maa ke charno se bada koi mandir nahi hai. Maa se bada koi bagwan nahi hai.
Kisi bache ko janam dete samay maa apne kokh me bache ko 9 mahine rakti hai. Hume bada karne ke liye maa jo mehnat karti hai vo shayad hamare pita nahi kar sakte
Meri kahani bhi aise hi kuch hai jitna bata sakta hu bataunga. Maa ke bare jo kuch bhi likh sakta hu likhunga.
Me ek middle class family se hu. Meri maa ghar se milo chalke kahi kam karne jaati thi. Ghar ka rent khane pina ke kharche saare meri maa aur meri dadi sambhalti thi. Saari kamai jo bhi papa karte the vo kud pe hi uda dete the.
Meri maa ghar ka bada sara kuch apne kamai se pura karti thi. Meri ke bare lakho aisi saari baatein jo me puri nahi kar paunga
“Hamare samaj me stireeyo se badi koi shakti nahi hai”.
Maa kud bhukhi rehti hai aur hame khilati hai. Mene mere maa ko kabhi naraz nahi kiya usse hamesha khush rakne ki koshish karte rehta hoon uss vajah se meri zindagi bhi ekdum khushyal rehti hai. mujhe jo bhi dukh rehta hai meri maa uss pareshaani ke sath ladne lagti hai puri taqaat se.
Zindagi me aisa vakt bhi ayaa jaha chaar char din khana nahi banta tha. Meri daadi ke jaane ke baad toh takleef aur bhad gai thi. Kamai itni hoti nahi thi. Toh mene bich me hi apni padai chod di. Meri maa ko madad karne ke liye. Yaha vaha kam kiya karta tha. Itni mushkilo me bhi maa ne kabhi sath nahi choda. Hamesha sath rehke ladte rahi. Mujje kabhi akela mehsoos nahi hua.
Maa se ek baat toh sikhi ke kabhi haar nahi manna. chahe kitni bhi mushkil kyu na ho haar nahi mana. Me bhi ladte raha. Vo aaj bhi sath mere lad rahi hai. Vakt ke saath saath ankhe unki kamzoor ho rahi hai fir bhi thaki nahi hai. Mere liye meri sabkuch hai meri maa.
Aaj bhi gareebi me jee raha hu. Chote se kamre me reh rahe hai. Me aur meri maa apne khando pe sabkuch chala rahe hai.
Lekin ek vaada apne andar zinda rakha hai ki apni maa ke liye toh kuch karna hai zindagi me. Usse apne kud ke ghar lekar jana hai. Thakan se usse mukt kar dena hai. Aur araam ki zindegi deni hai. Ye sapna mene hamesha se zinda rakha hai. Isliye hamesha kuch karne ki chahat rehti hai. Rukne nahi deti hai bus chalte rehne ka maan rehta hai.
“Mere andar meri maa ki jade mohjood hai”.
Apne andar aise sapne zinda rakti hai. Aaj dill se apni maa ke liye shukriya adaa karta hoon.
Apke iss ladai ke aage mera sar jhukta .Jo me apni pareshaniyo se lad raha hu vo kafi choti chiz hai jo aap ladai lad rahe ho uske samne. Aap se bada koi nahi hai iss duniya me. Apki dua mujhe hosla deti hai. Shukriya maa mujhe behtar insaan bana ke liye apne sikhaya. Me aur zyaada behtar bane ke raste chalte rahunga
Me harshit apse vida leta hu. Shukriya meri article padne ke liye. pasand aye toh apne dosto se share zaroor karna.
Reviews page 